Սևուկ ամպեր վար եկան
Օրան, օրան,
Սարի վրա շար եկան։
Ծագեց առավոտ
Պաղեց, սառավ օդ։
Գոռաց երկինք, բուք արավ,
Հևաց, հևաց.
Ծերուկ երկիր սուգ արավ։
Ճաքեց հեռուն ամպ,
Երկիր դողաց-բա՛մբ։
Բողբոջ արև շող կապեց,
Դողաց, սողաց,
Արյուն-ամպից քող կապեց։
Վառեց լեռան լանջ,
Լեռան ցավատանջ։
Տեղաց անձրև մաղ տալով,
Մարմանդ-մարմանդ,
Հոգնած տերև շաղ տալով։
Երկիր քուն դրավ,
Եվ թռչուն թռավ։
Հուզված առուն փախ տվավ
Սողուն-սողուն,
Ձորում մշուշ կախ տվավ։
Քամին ելավ վեր,
Արավ տարուբեր։
Մոխիր ամպեր ժիր եկան
Դալուկ-դալուկ,
Սարի վրա ցիր եկան։
Հալեց աշուն օր
Կյանքիս սևավոր։
Առաջադրանքներ
- Կարմիրով գրված բառերը դո՛ւրս գրիր, ապա բառարանի օգնությամբ բացատրի՛ր:
Օրան-Քաղած հացահատիկ՝ հունձ, որ պետք է կալսվի:
Հևալ- Արագ-արագ և ընդհատաբար շունչ քաշել:
Մարմանդ- մեղմ
Կախ տվավ- կախ ընկած
Դալուկ- գույնը գցած - Կանաչով գրված բառերը դո՛ւրս գրիր, ապա գրիր այդ բառերի հոմանիշները:
առավոտ-լուսաբաց
արև-արեգակ, արփի
քող—շղարշ
քուն—ննջել
մշուշ—մառախուղ
Քամին—հողմ - Կապույտով գրված արտահայտությունները գրի՛ր մեկ բառով:
Վար եկան-ընկնել
Շար եկան-շարվեցին
Բուք արավ-փոթոկեց
Սուգ արավ-լացել
Մաղ տալով-մաղել
Շող կապեց-շողալ
Փախ տվավ-փախավ
Կախ տվավ-կախեց
Ցիր եկան-ցրվեցին